राईनो संरक्षण गोल्डकपमा आज देखि सेमिफाइनलका खेलहरु सुरु हुँदै
प्रकाशित : २०८० फागुन ६ गते ८:३२
कावासोती । नवलपुरको मध्यविन्दु-२ कोल्हुवाको राईनो रंगशालामा गत माघ २७ देखि जारी छैटौं राईनो संरक्षण गोल्डकप फुटबल प्रतियोगिताको सेमिफाइनल चरणका खेलहरु आज बाट सुरु हुँदै छ्न ।
शनिबार सम्पन्न अन्तिम क्वाटरफाईनलमा २८ बिघा युवा क्लबले संकटा क्लबलाई २-१ ले पराजित गर्दै सेमिफाइनलमा स्थान पक्का गरेको हो । खेलको ९ औँ र ३२ औँ मिनेटमा जर्सी नम्बर १७ का खेलाडी समिर तामाङको २ गोलको सहयोगमा अठ्ठाइस बिगाहा क्लब सेमीफाइनलमा प्रवेश गरेको हो । संकटाका तर्फबाट खेलको ४५ औँ मिनेटमा जर्सी नम्बर ८ का खेलाडी गणेश हमालले एक गोल मात्रै फर्काए । यो सँगै प्रतियोगिताको सेमिफाइनल समीकरण पूरा भएको हो ।
आईतबार हुने पहिलो सेमिफाइनलमा गण्डकी प्रदेश र विभागीय टिम नेपाल पुलिस बीच हुने छ भने दोस्रो सेमिफाइनलमा सेन्टर कलेज फोर ब्रर्दश भुमही र २८ बिघा युवा क्लब बिच ७ गते सोमबार हुनेछ ।
प्रतियोगिताको विजेताले उपाधिसहित नगद ८ लाख हात पार्नेछ भने उपविजेताले ४ लाख प्राप्त गर्नेछ ।
प्रतियोगिताको सर्वोत्कृष्ट खेलाडीले २० हजार रुपैयाँ प्राप्त गर्ने तथा सर्वाधिक गोलकर्ताले १० हजार र म्यान अफ द म्याच हरेक खेलमा ५ हजार रुपैयाँ प्राप्त गर्नेछन् ।
ताजा अपडेट
Facebook Comment