एमालेले आज पनि संसद अवरोध जारी राख्ने
प्रकाशित : २०७८ फागुन ४ गते १०:२८
काठमाडौं । प्रमुख प्रतिपक्ष दल नेकपा (एमाले)का सांसदले आज पनि संसद्मा अवरोध गर्ने भएका छन् ।
आज दिउँसो १ बजे प्रतिनिधिसभाको बैठक बस्दै छ । बैठकमा अवरोध कायम रहने एमाले नेताले बताएका छन् ।
“संसद् अवरोध कायम रहन्छ । हामीसँग कसैले कुरा गरेको छैन,” एमाले संसदीय दलका उपनेता सुवास नेम्वाङ बाह्रखरीसित भने ।
एमालेले लामो समयदेखि संसद् अवरुद्ध गर्दै आएको छ । पार्टीले कारबाही गरेका १४ सांसद (हाल नेकपा (एकीकृत समाजवादी)मा रहेका)लाई बैठकमा प्रवेश गर्न दिन नहुनेलगायत एमालेको माग छ । एमालेले सभामुख अग्निप्रसाद सापकोटाको राजीनामा पनि मागेको थियो ।
प्रतिनिधिसभाको आजको बैठकमा अमेरिकी सहयोग परियोजना एमसीसी अनुमोदनका लागि टेबल हुन सक्नेछ । यद्यपि, बैठकको सम्भावित कार्यसूचीमा भने एमसीसी समावेश छैन । संसद् बैठकअघि कार्यव्यवस्था परामर्श समितिको बैठक बस्दै छ । बैठकले कार्यसूचीलाई अन्तिम रूप दिन सक्नेछ ।
ताजा अपडेट
Facebook Comment