१० बजे नेपाल आईपुग्दै सन्दिप

NAWALPUR TIMES
प्रकाशित : २०७९ असोज २० गते ७:२७

MELBOURNE, AUSTRALIA - JANUARY 04: Sandeep Lamichhane of the Stars celebrates after dismissing Tom Cooper of the Renegades during the Big Bash League match between the Melbourne Stars and the Melbourne Renegades at the Melbourne Cricket Ground on January 04, 2020 in Melbourne, Australia. (Photo by Daniel Pockett/Getty Images)

नवलपुर । नेपाली क्रिकेट टिमका पूर्वकप्तान सन्दीप लामिछानेले बिहान १० बजे कतार एयरलाइन्सको विमानमार्फत नेपाल आइपुग्ने बताएका छन् । बिहीबार फेसबुकमार्फत उनले कतार एयरवेजमार्फत बिहीबार बिहान १० बजे त्रिभुवन अन्तर्राष्ट्रिय विमानस्थलमा आइपुग्ने बताएका हुन् ।

‘प्रहरीसामू आफूलाई बुझाउने गर्ने प्रतिबद्धताबमोजिम म बिहान १० बजे कतार एयरवेजमार्फत त्रिभुवन अन्तर्राष्ट्रिय विमानस्थलमा अवतरण गर्दै छु‚’ उनले लेखेका छन्‚ ‘मैले यसअघि नै प्रहरी अधिकारीलाई आफ्नै इच्छामा आत्मसमर्पण गर्ने लिखित जानकारी गराइसकेको छु ।’

षड्यन्त्र र गलत आरोपको सामना गरिरहेको भन्दै कानुनले आफूलाई निर्दोष सावित गर्ने विश्वास लिएको बताएका छन् ।

१७ वर्षीया एक किशोरीले लामिछानेविरुद्ध भदौ २१ मा जबर्जस्ती करणीको कसुरमा प्रहरीमा किटानी जाहेरी दिएकी थिइन् । त्यसको दुई दिनपछि भदौ २३ मा नेपाल क्रिकेट संघ (क्यान) ले उनलाई कप्तानबाट निलम्बन गरेको थियो । काठमाडौं जिल्ला अदालतले त्यही दिन लामिछानेविरुद्ध पक्राउ पुर्जी जारी गर्न प्रहरीलाई अनुमति दिएको थियो ।

उनी नाबालिग बलात्कार आरोपमा प्रहरीले अनुसन्धान अघि बढाएपछि राष्ट्रिय क्रिकेट टोलीबाट निलम्बनमा परेका थिए ।

प्रकाशित : २०७९ असोज २० गते ७:२७