मोबाइल क्लिनिक सञ्चालनका लागि रवि लामिछानेले पाएनन् अनुमति
प्रकाशित : २०८० भदौ ९ गते १४:२१
कावासोती । चितवनको कालिका नगरपालिकाले राष्ट्रिय स्वतन्त्र पार्टी (रास्वपा) का सभापति रवि लामिछानेलाई मोवाइल स्वास्थ्य क्लिनिक सञ्चालनको अनुमति दिन अस्वीकार गरेको छ ।
मोवाइल स्वास्थ्य क्लिनिक सञ्चालनका लागि कानुन नभएको भन्दै नगरले अनुमति दिन अस्विकार गरेको बताइएको छ । लामिछानेले यसअघि मोबाइल स्वास्थ्य क्लिनिक र महिलाका लागि निःशुल्क बस सेवा सञ्चालन गरेका थिए ।
उनको उक्त कार्यमा चौतर्फी आलोचना भएको थियो । स्थानीय निकायसँग समन्वय नै नगरी मोबाइल क्लिनिक र बस सेवा सञ्चालन गरेको भनेर लामिछानेको आलोचना भएपछि उनले प्रक्रिया थालेका थिए ।
चितवन क्षेत्र नं. २ बाट निर्वाचित प्रतिनिधि सभा सदस्यसमेत रहेका लामिछानेले मोवाइल क्लिनिक सञ्चालनका लागि नगरपालिका र नगर स्वास्थ्य शाखालाई पत्र लेखेका थिए । नगरपालिकाले मोवाइल क्लिनिक सञ्चालनका लागि प्रदेशसँग अनुमति लिन लामिछानेलाई आग्रह गरेको छ ।
ताजा अपडेट
Facebook Comment