आगो ताप्दा साडीमा आगो सल्किएर महिला घाईते, घर र गोठमा आगलागी
प्रकाशित : २०८० पुष ६ गते १३:२९
कावासोती : आगो ताप्ने क्रममा साडीमा आगो सल्किएर मध्यविन्दुमा ७६ वर्षीय महिला घाईते भएकी छिन ।
मध्यविन्दु-५ पतवारीमा आफ्नै घरको भान्साकोठामा आगो तापी रहेको अवस्थामा मन कुमारी बोहराको साडिमा आगो सल्किन गएको र सोही आगो निभाउने क्रममा छानोमा आगो सल्किन गई उक्त भान्सा संगै सटिएर रहेको गोठमा समेत आगलागी भएको नवलपुर प्रहरीले जनाएको छ ।
आगलागीबाट बोहोराको कम्मर देखि तलको भाग जलेको र उपचारको लागि मध्यबिन्दु जिल्ला अस्पताल डण्डा ल्याईएको प्रहरीले जनाएको छ ।
त्यसै गरि आगलागीका कारण गोठमा रहेको १ वटा बाख्राको पाठी,१ वाट पाठा घाईते भएका र करिब १ लाख बराबरको धनमाल क्षती भएको प्रहरीले जनाएको छ ।
प्रकाशित : २०८० पुष ६ गते १३:२९
ताजा अपडेट
Facebook Comment