टीका शर्मा कोपिलाको पहिलो लोकदोहोरी गीत ‘बित्यो जोबन’ सार्वजनिक

NAWALPUR TIMES
प्रकाशित : २०७७ मंसिर २४ गते १०:४०

चितवनकी चेली टीका शर्मा ‘कोपिला’ले जापानबाट आफ्नो पहिलो लोकदोहोरी गीत ‘बित्यो जोबन’ सार्वजनिक गरेकी छन् । गीतमा पुरुष गायनमा सुर्य खड्काले साथ दिएका छन् । गीतमा शब्द सिता पंगेनी तथा लय गायक खड्काको नै रहेको छ ।

बाग्लुङमा जन्मिएर चितवनलाई उच्च शिक्षा र कर्मथलो बनाएकी उनी हालं रोजगारीका क्रममा जापानमा रहेकी छन् । सानै देखि स्कूल तथा एफ् एम् रेडियोमा गीत गाउने गरेकी उनले स्थानीय प्रतियोगिता एवं एफ् एम् रेडियोका कार्यक्रममा थुप्रै पुरस्कार समेत जितेकी छन् । उनले श्रोताको रुपमा लोक दोहोरी गीत गाएर चितवन आसमापासमा लोकप्रिय श्रोताको रुपमा परिचित बनेकी थिइन् । उनले विजय एफ् एम् बाट प्रसारण हुने कार्यक्रम विजयको रोधी घरमा सह सञ्चालकको रुपमा दोहोरी गायिकाको भूमिका समेत निभाएकी थिइन् ।
उनी तीज गीत प्रतियोगितामा चितवन एवं नवलपुर क्षेत्रमा विशेष चर्चा बटुल्न सफल बाग्लुङे बबाल समूहकी प्रमुख गायिका समेत हुन् ।

रोजगारीको शिलशिलामा परदेशमा रहे पनि आफ्नो देश र सँस्कृतिको मायाले झन् सताउने गरेकाले मौलिक लोक दोहोरी गीत गाउन चाहना बढेको उनले बताइन् । गीतले निम्न एवं मध्यम वर्गीय परिवारको संघर्षशील जीवनको विषय बोकेको छ । गीत सुर्य खड्का युट्युव च्यानलबाट सार्वजनिक गरिएको हो ।

भिडियो-