कावासोती नगरस्तरीय राष्ट्रपति रनिङ्ग शिल्ड प्रतियोगिता फागुन २५ बाट
प्रकाशित : २०७७ फागुन २२ गते १८:०५
कावासोती नगर स्तरीय राष्ट्रपति रनिङ्ग शिल्ड प्रतियोगिता यहि फागुन २५ र २६ गते जनता माध्यमिक विद्यालय त्रिभुवनटार डण्डामा हुने भएको छ ।
नगर भित्रका सामुदायिक संस्थागत माध्यमिक विद्यालय र कक्षा ११ र१२ सन्चालित शैक्षिक संस्था सहित कुल ३० वटा विद्यालयको सहभागिता रहने प्रतियोगिताको १३ औं संस्करणमा कुल ७ सय विद्यार्थी सहभागी हुने शनिबार विद्यालयमा आयोजित पत्रकार सम्मेलनमा प्रतियोगिताका प्रचार प्रसार संयोजक एवं विद्यालयका प्रधानाध्यापक गिरी राज गिरीले बताए ।
दुई दिन सम्म चल्ने प्रतियोगितामा ४ वटा विधाका १७ वटा खेल सन्चालन हुने पत्रकार सम्मेलनमा जानकारी गराईएको थियो । एथलेटिक्स , भलिवल, कपड्डी, मार्सल आर्ट अन्र्तगत तेक्वान्दो र कराँतेका खेलहरु हुनेछन् । एथलेटिक्समा दौड,रिले दौड, र तीन हजार मिटरको दौड प्रतियोगिता हुने छन् । यस्तै फिल्ड तर्फ हाइजम्प, लङजम्प, सटपुट, ट्रिपल जम्प र ज्यावलिङ थ्रोका खेल खेलाईने प्रचारप्रसार संयोजक गिरीले बताए ।
राष्ट्रपति रनिङ्ग शिल्डको प्रतियोगिता जिल्ला स्तरीय प्रतिस्पर्धा भने फागुन २८ र २९ गते हुने छ ।
ताजा अपडेट
Facebook Comment